“El secreto de las abejas” participará no BCN FILM FEST 2019
Portocabo e a alemá Nadcon suman forzas para desenvolver a serie “Weiss & Morales”
“El secreto de las abejas” participará no BCN FILM FEST 2019
17-04-2019
15-04-2019
Portocabo e a alemá Nadcon suman forzas para desenvolver a serie “Weiss & Morales”
12-04-2019
“El secreto de las abejas” participará no BCN FILM FEST 2019
17-04-2019
Filmax estreará en cines o próximo 21 de xuño “El secreto de las abejas”, unha historia de amor entre dúas mulleres de diferentes clases que cambiará as súas vidas para sempre. A película desenvólvese nos anos 50 nunha pequena cidade de Escocia na que os segredos revelados dun amor prohibido teñen consecuencias inevitables.
15-04-2019
A semana pasada finalizou en Portugal a rodaxe de “O Santa Isabel”. A ópera prima de Paula Cons é un thriller sobre a fuxida da dor e sobre as sombras e, practicamente ningunha luz, do heroísmo. Estrearase nas pantallas a comezos do vindeiro ano da man de Filmax.
Portocabo e a alemá Nadcon suman forzas para desenvolver a serie “Weiss & Morales”
12-04-2019
Portocabo e Nadcon Films cerran un acordo de desenvolvemento, no marco do MIPTV de Cannes, para a coprodución da serie “Weiss & Morales”. Nadcon Films (“Modus”, “El Guardián Invisible”) é unha produtora alemá, liderada por Peter Nadermann (Saga “Millenium”), con ampla experiencia en coprodución internacional. Liderada por Alfonso Blanco, a socia do Clúster Portocabo (“Hierro”) será a encargada de levar a cabo o desenvolvemento deste proxecto de ficción “Weiss & Morales”, (4x90’), unha serie procedimental ambientada na illa de Gran Canaria.
“El secreto de las abejas” participará no BCN FILM FEST 2019
17-04-2019
Filmax estreará en cines o próximo 21 de xuño “El secreto de las abejas”, unha historia de amor entre dúas mulleres de diferentes clases que cambiará as súas vidas para sempre. A película desenvólvese nos anos 50 nunha pequena cidade de Escocia na que os segredos revelados dun amor prohibido teñen consecuencias inevitables.
Antes da súa estrea, a película terá a súa presentación no Festival Internacional de Cine de Barcelona- Sant Jordi (BCN FILM FEST) que se celebra do 22 ao 30 de abril.
A película está dirixida por Annabel Jankel (“Super Mario Bros”, “Muerto al llegar”, serie “Live from Abbey Road”) e protagonizada por Anna Paquin (“El Irlandés”, de Martin Scorsese, “Darkness”, de Jaume Balagueró; serie “True Blood”) e Holliday Grainger (“Mi prima Raquel”, de Roger Michell, “La hora decisiva”, de Craig Gillespie, “Cenicienta”, de Kenneth Branagh). Emun Elliott (“Prometheus”, de Ridley Scott, “Exodus: Dioses y reyes”, de Ridley Scott, serie “Juego de Tronos”), Kate Dickie (“La bruja”, de Robert Eggers, “Prometheus”, de Ridley Scott, serie “Juego de Tronos”) e o mozo debutante nunha longametraxe Gregor Selkirk, completan o reparto.
“El secreto de las abejas”é a adaptación cinematográfica da novela “Tell it to the bees”, de Fiona Shaw.
Sinopse
A Dra. Jean Markham (Anna Paquin) regresa á cidade que abandonou cando era adolescente para facerse cargo da consulta médica do seu finado pai. Cando o pequeno Charlie (Gregor Selkirk) ten unha pelexa no patio do colexio e vai á súa consulta, ela convídao a visitar as colmeas do seu xardín e anímao a contarlle os seus segredos ás avellas, como facía ela de nena. A nova amizade entre o neno e a médica leva á súa nai Lydia (Holliday Grainger) ao mundo de Jean. Inesperadamente, as dúas mulleres séntense atraídas dunha maneira que nunca imaxinaran. Confundido ao principio, Charlie comeza a ver a felicidade que lle aporta á súa nai a relación con Jean, pero, nunha pequena cidade británica nos anos 50, o seu novo segredo non pode permanecer oculto para sempre.
15-04-2019
A semana pasada finalizou en Portugal a rodaxe de “O Santa Isabel”. A ópera prima de Paula Cons é un thriller sobre a fuxida da dor e sobre as sombras e, practicamente ningunha luz, do heroísmo. Estrearase nas pantallas a comezos do vindeiro ano da man de Filmax.
Diferentes localizacións de Galicia e Portugal acolleron durante seis intensas semanas a rodaxe da película, inspirada na historia de tres mulleres que se converteron en heroínas pola súa fazaña tralo naufraxio, en 1921, do trasatlántico Santa Isabel fronte á illa de Sálvora, pero ás que a sociedade logo esquecería.
Nerea Barros, Darío Grandinetti e Aitor Luna protagonizan este thriller, xunto a Victoria Teijeiro, Ana Oca e María Costas. Milo Taboada, Celso Bugallo, Machi Salgado, Miguel Borines, Tatán, Roberto Leal, Ana Santos, Mela Casal, Javier Tolosa e Leyre Berrocal, entre outros, completan o reparto.
“O Santa Isabel” é a primeira longametraxe de ficción de Paula Cons. A directora e guionista desta película, na que contou coa colaboración de Luis Marías no guión, tamén traballou como guionista e produtora executiva da longametraxe “Lobos sucios”, e como directora e guionista dos documentais “A batalla descoñecida” e “O caso Diana Quer. 500 días”.
Conta ademais cun equipo de profesionais de primeira liña como o director de fotografía Aitor Mantxola (“El fotógrafo de Mauthausen”), o director de arte Antonio Pereira (“Fariña”), a responsable de maquillaxe e perruquería Raquel Fidalgo, ou a encargada de deseño de vestiario Eva Camino (“Fariña”).
En palabras da súa directora: “pretendemos achegarnos a un feito histórico, recuperar o recordo de tres mulleres fascinantes e facer unha reflexión sobre a fuxida da dor (da protagonista e da sociedade) a través dunha historia misteriosa e cun gran poder visual”.
O filme está coproducido pola galega Agallas Films, a vasca Historias del Tío Luis e a arxentina Aleph Cine. Conta coa participación de TVG, RTVE e ETB, e co apoio da AGADIC, do Goberno Vasco, do ICAA, do INCAA arxentino e do Programa Ibermedia.
“O Santa Isabel” chegará aos cines españois a comezos do 2020 da man de Filmax.
Sinopse
Que acontece despois dun naufraxio no lugar que o contemplou e viviu todo? Na madrugada do 2 de xaneiro de 1921, en medio dunha espesa néboa o vapor El Santa Isabel, con 260 emigrantes con destino Bos Aires, afundiu fronte á escarpada e dura costa da illa de Sálvora. Esa noite non había homes na illa, estaban celebrando o Nadal en terra firme. A única esperanza dos supervivintes que loitaban por non estrelarse contra as rochas eran as poucas mulleres, vellos e nenos que vivían neste lugar.
Tres mozas da illa, María (Nerea Barros), Josefa (Victoria Teijeiro) e Cipriana (Ana Oca), deciden lanzarse ao mar nunha pequena embarcación tradicional. Remando só de oído, debido á espesa néboa e á noite cerrada, logran salvar a 50 persoas. Todo o que ocorre desde esa noite vai sacudir e cambiar para sempre a esta illa.
Un xornalista arxentino, León (Darío Grandinetti), acude a Sálvora para cubrir a nova do naufraxio. Pero pouco a pouco comproba que esa noite sucederon demasiadas terribles “casualidades” na illa. Son moitas as incógnitas que hai que resolver…
Foto: Kaito Estudios
Portocabo e a alemá Nadcon suman forzas para desenvolver a serie “Weiss & Morales”
12-04-2019
Portocabo e Nadcon Films cerran un acordo de desenvolvemento, no marco do MIPTV de Cannes, para a coprodución da serie “Weiss & Morales”. Nadcon Films (“Modus”, “El Guardián Invisible”) é unha produtora alemá, liderada por Peter Nadermann (Saga “Millenium”), con ampla experiencia en coprodución internacional. Liderada por Alfonso Blanco, a socia do Clúster Portocabo (“Hierro”) será a encargada de levar a cabo o desenvolvemento deste proxecto de ficción “Weiss & Morales”, (4x90’), unha serie procedimental ambientada na illa de Gran Canaria.
A serie xirará arredor da historia de dous policías, a alemá Ingrid Weiss e o español Rubén Morales. Ambos veranse obrigados a colaborar a raíz dun caso de asasinato que involucra á comunidade alemá que vive nas Illas Canarias. As súas personalidades son opostas, ela é a razón, mentres que el se move guiado polo seu instinto.
Portocabo estivo presente neste mercado internacional con varias producións (“Hierro” -coprodución entre España e Francia-, “Miracle Tunes” -coprodución entre Italia e España- e “Auga Seca” -coprodución entre Galicia e Portugal que actualmente se encontra en preprodución-). Ademais, a produtora tamén estivo traballando nos seus próximos proxectos (“Garbo” - coprodución entre España, Reino Unido e Francia- e “El Camino” - coprodución entre España, Italia e Francia-) e reforzando futuras alianzas de cara a novas producións. Desta maneira, Portocabo sigue avanzando con forza na súa estratexia como referente na creación e coprodución de contidos internacionais para televisión.
15-03-2019
Lugar: Santiago de Compostela
03-12-2018
Lugar: Santiago de Compostela
26-11-2018
Lugar: Ourense
26-11-2018
Lugar: Pontevedra
05-11-2018
Lugar: Carballo (A Coruña)
25-09-2018
Lugar: Santiago de Compostela
30-08-2018
Lugar: Santiago de Compostela