O Clúster Audiovisual Galego celebrou o martes 11 de marzo, ás 10:00 horas, o webinario "O impacto da intelixencia artificial na industria audiovisual". O uso da IA no sector audiovisual xera un grande interese polo útil destas ferramentas, pero ao mesmo tempo desconcerto en canto á protección xurídica do resultado. O Dereito a día de hoxe non ofrece unha solución legal clara, con todo é consciente da necesidade urxente de dar saída a este reto xurídico. Poden ser obxecto de propiedade intelectual as obras creadas a través de IA xerativa? Quen é o autor destas obras? A IA vulnera dereitos de autor das obras preexistentes?
Axenda:
10:00 - 10:05 h. Benvida – Gaspar Broullón, vicepresidente do Clúster Audiovisual Galego
10:05 - 10:45 h. O impacto da IA na industria audiovisual – Ramón Rey, director de Castelao Abogados
10:45 - 11:00 h. Preguntas dos asistentes
Contidos da sesión:
• O uso da IA na obra audiovisual.
• A protección das obras creadas a través de IA.
• O marco normativo das localizacións xeradas a través de IA.
• Regulación presente e futura da IA.
