As compañías Vaca Films e Frida Films participaron na 65ª edición do Marché du Film do Festival de Cannes, que se celebra no Palais des Festival et des Congrès, como integrantes dunha misión comercial a este mercado promovida polo Clúster Audiovisual Galego.
Cannes volve a ser do 13 ao 21 de maio o epicentro da industria cinematográfica, celebrando o Marché du Film. Produtores, distribuidores, compradores, axentes de venda, empresas técnicas e de localización de rodaxes, artistas e outros profesionais dánse cita para buscar colaboradores, investimento ou para encontrar novos proxectos audiovisuais.
Este mercado ofrece novas oportunidades de impulso e visibilidade á industria cinematográfica do noso país. Decenas de empresas españolas do sector do cine e atracción de rodaxes forman parte do encontro profesional considerado o mercado cinematográfico máis importante do mundo.
