Delegación empresarial IBC 2022

As compañías CTV, S.A. e Intereuropa TV, S.A. conformaron a delegación do Clúster Audiovisual Galego na feira IBC 2022, que se celebrou do 9 ao 12 de setembro no RAI de Ámsterdam. A presenza en IBC permitiulles ás empresas do audiovisual galego crear novas oportunidades de negocio e coñecer de primeira man as tendencias e innovación no campo dos medios electrónicos.

Co obxectivo de promover a internacionalización do audiovisual galego, o Clúster desenvolveu así esta acción no marco do Programa Galicia Exporta Organismos Intermedios e contou co apoio financeiro do Instituto Galego de Promoción Económica (Igape), da Xunta de Galicia e da Unión Europea, a través do Fondo Europeo de Desenvolvemento Rexional, no marco do programa operativo Feder Galicia 2014-2020.

IBC é unha das citas máis importantes no calendario para a industria mundial dos medios audiovisuais. Durante catro días, Ámsterdam recibe ás empresas que lideran os segmentos de radiodifusión, audio, multimedia, comunicacións por satélite, servidores, Internet, webcasting, radio, televisión e vídeo.