As empresas Ficción Producciones, Kairos e Producciones Audiovisuales Setemedia conformaron a delegación empresarial do audiovisual galego en Series Mania 2022, que se celebrou en Lille (Francia) no mes de marzo, e que promoveu o Clúster. Os membros da delegación galega participaron no Series Mania Forum, onde se deron cita milleiros de executivos da televisión de todo o mundo.
O Clúster facilitou así o encontro da delegación galega con profesionais do mundo das series que se deron cita na localidade francesa para presentar novos proxectos en busca de financiamento, celebrar reunións para posibles coproducións e debater sobre o estado do sector.
A misión directa do Clúster enmarcouse dentro do Programa Galicia Exporta Organismos Intermedios e contou co apoio financeiro do Instituto Galego de Promoción Económica (Igape), da Xunta de Galicia e da Unión Europea, a través do Fondo Europeo de Desenvolvemento Rexional, no marco do programa operativo Feder Galicia 2014-2020.