O Festival da curta galega, que se desenvolve de maneira paralela ao glamuroso Festival de Cannes, entregará este ano 5.600 euros en premios máis os Cans de Pedra, a figura co emblema do festival. Son un total de 9 galardóns, seis para curtametraxes, dúas para videoclips e un premio honorífico.

En curtametraxes existen dúas categorías, ficción e curtas de animación, os premios nestas categorías están dotados de 1.500 euros e con 1.000 euros os do público. O festival tamén entrega outros dous premios sen dotación económica: mellor actriz e mellor actor. Ademais entregarase o Premio Pedigrí a un profesional destacado do sector audiovisual galego.

Para presentarse ao concurso as curtas deben estar realizadas en Galicia, producidas por unha produtora galega ou dirixidas por directores galegos entre os anos 2008, 2009 ou 2010.

Toda a información necesaria xunto coas bases da convocatoria en www.festivaldecans.com