Pai Casares narra a historia de Horacio Casares, un novo sacerdote que é destinado como párroco a unha pequena aldea galega: San Antonio de Louredo. É un cura moderno montado nunha Harley e afeccionado á música do seu MP3. Producida nos estudios de Voz Audiovisual na Coruña, Pai Casares converteuse desde a súa estrea en TVG en 2008 no programa de maior audiencia de TVG e logrou ser a serie máis vista en Galicia.

Actualmente TVG está a emitir os capítulos correspondentes á sexta tempada e Voz Audiovisual está a piques de iniciar a gravación da sétima tempada á vez que prepara xa a rodaxe da película Pai Casares previsto para finais deste ano.

A serie está a emitirse ademais nas súas versións adaptadas en Canle Sur e na Televisión Balear. Pai Medina, no caso andaluz e Mossén Capellà no caso balear son os títulos adaptados nestas comunidades.

En Telemadrid, con todo, emitirase a versión orixinal galega dobrada ao castelán por algún dos propios actores do elenco, Don Horacio, Delmiro e o resto das personaxes que compoñen o mundo de San Antonio de Louredo todos falan xa  castelán os domingos en horario prime-time e durante 13 semanas, si todo vai ben.