Cluster Audiovisual Galego

Comeza a rodaxe de “Rapa”, a nova serie de Portocabo para Movistar+

11-10-2021

A produtora socia do Clúster Portocabo volve aliarse con Movistar+ e inicia a rodaxe dunha serie, un thriller no que os lugares elixidos forman parte da trama. Co mesmo equipo creativo da exitosa “Hierro”, a serie máis vista de 2021 en Movistar+, “Rapa”, serie de suspense de seis episodios, comezou xa a súa rodaxe nas localidades de Cedeira e Ferrol e estrearase en 2022 en Movistar+.

Ambientado na serra da Capelada, a comarca de Ferrol é o estudio, Javier Cámara e Mónica López son os seus protagonistas e o auditorio municipal da vila de Cedeira (A Coruña) foi o lugar elixido este martes para unha posta de longo con expectación. A presenza do delegado do Goberno en Galicia, José Miñones; o conselleiro de Cultura, Román Rodríguez, e de cinco alcaldes da zona dan unha idea da relevancia que se lle outorga a este proxecto. A Xunta enmárcao nas accións do Hub Audiovisual e outórgalle unha axuda de 300.000 euros dentro da liña de atracción de rodaxes.

A historia de “Rapa” comenza na celebración da festa da Rapa dás Bestas, marco no que se comete un crime que Maite, sarxento da Garda Civil, terá que resolver coa axuda de Tomás, un profesor frustrado.