Cluster Audiovisual Galego

Noticias del Clúster

Delegación empresarial do audiovisual galego no Content London 2019

As compañías Agallas Films, Portocabo, Vaca Films, Intereuropa TV e CTV conforman a delegación promovida polo Clúster Audiovisual Galego que estará esta semán no Content London 2019, o mercado de coprodución de series e contidos para televisión que se celebra na cidade londinense.

Desta maneira, o Clúster facilita a presenza de profesionais no mercado de coprodución e relatorios sobre series de TV, Content London que se celebra do 3 ao 6 de decembro en Londres.

Esta acción realízase dentro do Programa Galicia Exporta Organismos Intermedios, co apoio financeiro do Instituto Galego de Promoción Económica (Igape), a Xunta de Galicia e a Unión Europea. 

O Content London converteuse nun encontro imprescindible para a coprodución europea de televisión. Os empresarios máis importantes do sector de todo o mundo reúnense arredor de conferencias e screenings, realidade que xera un networking imprescindible para os produtores galegos que queiran internacionalizar a súa empresa pola vía da coprodución internacional para TV.

A CRTVG PRESENTARÁ EN CULTURGAL O NOVO PROGRAMA ‘UN PAÍS EN 360’ E INSTALARÁ UN ESTUDIO VIRTUAL DE INFORMATIVOS

A Corporación Radio Televisión de Galicia, na súa vocación de servizo público, volve ter un sitio de seu este ano na Feira das Industrias Culturais de Galicia, Culturgal, que se celebra no Pazo da Cultura de Pontevedra, entre o venres 29 de novembro e o domingo 1 de decembro.

No stand da CRTVG poderase vivir a experiencia de realidade virtual ‘Un país en 360’, o novo formato de Adivina Producciones para a CRTVG, un programa, gravado con cámaras 360, que utiliza a tecnoloxía para achegarlles aos espectadores o patrimonio natural e monumental de Galicia.
A súa estrea será en decembro no prime time da Televisión de Galicia. Presentado por Estíbaliz Espinosa, ‘Un país en 360’ descubrirá Galicia de forma inmersiva, porque o público vai estar no centro da acción.

Os visitantes de Culturgal poderán gozar esta fin de semana deste novo xeito de facer televisión, xa que, coa axuda de lentes de realidade virtual, estarán no centro dos representativos lugares que amosará o espazo da TVG, podendo mirar en todas as direccións. Tamén para ir abrindo boca ata a súa próxima estrea, xa están dispoñibles en Youtube os vídeos deste novo programa, para ver con lentes de realidade virtual ou sen elas.

Así mesmo, a CRTVG levará á feira o seu estudio virtual, coa instalación dun estudio Chroma-Key onde os visitantes terán a posibilidade de converterse por un intre en presentadores dun telexornal e verse reflectidos nunha pantalla de gran formato, nun decorado característico dun informativo da TVG. As gravacións poderán verse, nos vindeiros días, na páxina web da Corporación, www.crtvg.gal.


A Radio Galega, en directo desde Culturgal

A Radio Galega tamén estará presente no Pazo da Cultura de Pontevedra, desde onde se ofrecerá o venres en directo o programa ‘Diario Cultural’. De 17.00 a 18.00 h, o presentador Vituco Neira falará con membros da organización e co debuxante Kiko Da Silva, que presenta novo libro en Culturgal. Ademais, o programa ofrecerá un faladoiro entre representantes de pequenas editoriais para coñecer a situación do sector.

Xa o sábado, ás 17.30 h, a Radio Galega organiza en Culturgal un concerto para toda a familia, o do grupo interxeracional Deteriorados, integrado por xente nova e tamén xubilados. A súa proposta vai máis alá da música e céntrase nesa colaboración entre mozos e maiores.

Ademais, a Radio Galega emitirá en streaming a través do seu Facebook e a CRTVG en Youtube o concerto que ofrecerá este sábado Marful en Culturgal. Dentro da estratexia de innovación da radio pública galega, emitirase en directo o reencontro dos membros do grupo, que estarán acompañados neste evento cultural pola cantante de Operación Triunfo Sabela Ramil.

Tamén o sábado, ás 13.00 horas, presentarase a película participada pola CRTVG ‘María Soliña’, o novo proxecto de Ignacio Vilar, que reconstrúe a historia da viúva canguesa María Soliña, que foi acusada de bruxería pola Inquisición no ano 1621.

A produción galega A Media Voz (In a whisper) de Heidi Hassan e Patricia Pérez, Premio ao Mellor Longametraxe en IDFA

A Media Voz (In a whisper) (2019) das cineastas cubanas afincadas entre Galicia e Xenebra, Patricia Pérez e Heidi Hassan, obtiveron o Premio ao Mellor Longametraxe na 32ª edición do IDFA. As directoras e o produtor galego Daniel Froiz de Matriuska Producciones, recibiron unha extraordinaria acollida, coroada co recoñecido galardón, no certame de documentais máis importante do mundo.

O Xurado Internacional outorgoulles o Premio ao filme por ser unha refrescante reflexión sobre a madurez feminina, unha oda á perda; unha celebración da amizade, o desexo e a vulnerabilidade; unha demanda de esperanza e paixón; e un deliciosamente honesto diálogo cinematográfico confirman este máxico, orixinal e arriscado esforzo cinematográfico.

A través da correspondencia audiovisual entre ambas, articúlase o diálogo deste documental auto-etnográfico. Dúas mulleres de 40 anos, afrontando os retos da emigración, intentan reconstruírse lonxe de Cuba. A Media Voz (In a whisper) mostra dúas historias nas que identidade, maternidade e creación se entrecruzan e se impulsan mutuamente.

  • Variety define o filme coma un conmovedor documental autoetonográfico e informa de que ten recibido unha impoñente ovación na súa première mundial no Festival.
 
  • Cineuropa describe o filme coma un intenso viaxe cara ao amor, a amizade e a nostalxia... unha historia conmovedora sobre o afecto, a morriña e o amor eterno das directoras ao oficio do cine... unha sincera reflexión, de corazón a corazón, sobre o valor das nosas aspiracións e a nosa necesidade de seguir as nosas paixóns e a constante busca do amor. 
A Media Voz (In a whisper) é unha produción de Matriuska Producciones (España), en coprodución con Perspective Films (Francia), La 5ta Avenida Producciones (Cuba), e PCT (Suiza). Habanero xestiona as súas ventas internacionais.

Matriuska Producciones leva traballando desde 2005 cun selo definido no que prima a aposta polo talento de novos creadores e o cine de autor. Actualmente o seu equipo está inmerso na fase final de produción de ¿Qué hicimos mal? de Liliana Torres co producida entre España, Italia e México. En fase de desenvolvemento conta ademais ca miniserie para televisión As Crisálidas, dirixida por Samuel Lema, a súa primeira incursión na ficción televisiva, e a longametraxe documental Os días calados do Dr. Stevens de César Souto. 

Entre os seus filmes máis recentes destacan A Estación Violenta de Anxos Fazáns e Las Altas Presiones de Ángel Santos - Premio As Novas Olas do Festival de Cine Europeo de Sevilla-.

PRODUTORES DE TODA ESPAÑA PARTICIPANON NO “I+P IDEAS PARA PRODUCIR” EN BUSCA DE NEGOCIO

Pontevedra acolleu hoxe, mércores, a celebración da 13° edición del pitching “I+P Ideas para producir” na que participan máis dun centenar de profesionais do audiovisual de toda España. 

O “I+P Ideas para producir”, organizado polo Clúster Audiovisual Galego conecta proxectos audiovisuais en distintas fases de desenvolvemento con canles de televisión, productoras e distribuidoras de primeiro nivel e ten como obxectivo favorecer acordos comerciais para a produción ou a venda de novos proxectos. 

O alcalde de Pontevedra, Miguel Anxo Fernández Lores participou esta mañá na apertura do evento, xunto ao director de Agadic, Jacobo Sutil e ao presidente do Clúster, Jorge Algora, coincidindo todos na utilidade desta xornada de pitchs e reunións personalizadas cara ao impulso e a materialización de novos proxectos galegos de cine e televisión. Para o alcalde o encontro “I+P Ideas para Producir” é unha gran oportunidade para dar a coñecer a cidade aos participantes e impulsala como plató de rodaxe.

O presidente do Clúster aproveitou a ocasión para agradecerlle aos colaboradores da presente edición o seu compromiso co formato. 

Durante a súa intervención, Jacobo Sutil destacou a positiva confluencia desta iniciativa con outras accións de apoio ao sector por parte da Consellería de Cultura e Turismo, en particular, cas convocatorias anuais de subvencións para o desenvolvemento de proxectos, a promoción do talento audiovisual e a producción e coproducción de obras para cine e televisión. 

Tras a sesión de apertura, os responsables dos 18 proxectos seleccionados para participar no Pitching presentaron, en intervencións de diez minutos, sus trabajos delante de diversos ejecutivos del audiovisual que participan desde ayer en el “I+P Ideas para producir” en Pontevedra.

Nesta edición participaron no pitching RTVE, Mediaset España, #0 de Movistar+, Grupo Euskaltel, Boomerang Tv e as autonómicas CRTVG, TV3 e Aragón TV. Tamén asisten a este encontro responsables de distribuidoras de primeiro nivel como Filmax, A Contracorriente Films o DeAPlaneta, e de productoras de renome como Atípica Films, o Portocabo.

Máis de 200 encontros de negocios 

O “I+P Ideas para producir” continúa pola tarde ca celebración de máis de 200 encontros bilaterais onde os responsables dos proxectos e as empresas pudieron intercambiar impresiones, ampliar la información de los trabajos expuestos por la mañana y establecer posibles contactos comerciales. En total, presentáronse 18 proxectos, entre os que se atopan longametraxes de ficción, documentais, series de televisión e algún formato de televisión, procedentes de toda España.

Nesta ocasión o “I+P Ideas para Producir” contou ademáis ca colaboración da Deputación de Pontevedra, a plataforma Filmarket Hub, a Pontevedra Film Commission, o Máster en Produción Xornalística e Audiovisual (MPXA), a asociación CREA, Galicia Calidade, e co patrocinio das compañías Music Library e Gadisa. 

Pontevedra, como plató de rodaxe 

A presente edición do “I+P Ideas para producir” incluíu a realización, na tarde do martes 19, a realización de actividades promocionais co obxectivo de potenciar a cidade de Pontevedra e o seu entorno coma un escenario ideal para o rodaxe de produccións audiovisuais de cine e televisión. Así coma unha recepción ca concelleira de Promoción Económica de Pontevedra que recibíu á delegación de executivos do audiovisual que participaron no I+P na Casa da Luz.


Portocabo, primeira produtora galega en obter unha axuda MEDIA TV Programming

A produtora galega Portocabo obtivo unha das axudas da Unión Europea a produción televisiva a través do programa Europa Creativa - MEDIA coa serie Auga Seca, coproducida con SP-i (Portugal).

O drama, distribuido a nivel internacional por DCD Rights e proxectado o pasado mes de outubro durante MIPCOM, emitiráse próximamente na Televisión de Galicia e na RTP, televisión pública portuguesa.

É a primeira vez que unha produtora galega consegue esta axuda para unha ficción televisiva, e nesta ocasión Auga Seca, que xa recibira subvención para produción de AGADIC (Xunta de Galicia), foi un dos 20 proxectos europeos seleccionados na convocatoria.

Para Peter Andermatt, responsable da oficina MEDIA España en Madrid, “é unha gran alegría ver que Portocabo obtén esta axuda de MEDIA, sobre todo porque coincide co auxe considerable da produción de ficción televisiva en Galicia, mesmo de series que teñen un gran éxito internacional”.

Auga Seca é un drama policial sobre o universo do tráfico de armas e as súas conexións co mundo empresarial, protagonizada pola actriz portuguesa Victoria Guerra xunto aos recoñecidos actores galegos Monti Castiñeiras e Sergio Pazos como protagonistas. A serie, de 6 capítulos na súa primeira tempada, foi rodada entre as cidades de Vigo e Lisboa, dúas cidades cunha mirada atlántica unidas nesta serie transfronteiriza que reflexiona sobre a familia e a moral nun universo onde nada nin ninguén é o que parece e todos busca coñecer a verdade.

Os actores españois Eva Fernández, Paloma Saavedra, Santi Romay, Cris Iglesias, Adrián Ríos e os portugueses  Adriano Luz, Joana Santos, Igor Regala e João Arrais son algúns dos nomes que completan o elenco internacional desta serie dirixida por Toño López, con Alfonso Blanco de Portocabo e José Amaral de SPi na produción executiva. No seu informe o comité de valoración de Europa Creativa - MEDIA puntuou de forma moi positiva a traxectoria e o talento do equipo creativo detrás do proxecto.

Participación no V Encontro de Coprodución entre Galicia e Portugal

A noticia desta concesión chega na semana en que se celebra en Arnoia (Ourense) o V Encontro de Coprodución entre Galicia e Portugal, organizado polo  Instituto  do Cinema e  do Audiovisual de Portugal (ICA) e a Axencia Galega das Industrias Culturais da Xunta de Galicia (AGADIC). Os produtores de Auga Seca terán unha participación activa neste foro, onde Portocabo achegará a súa experiencia en coprodución con Portugal, iniciada en 2016 coa serie de época Vidago Palace.

Seleccionados os Proxectos para a 13ª Edición do Pitching "I+P Ideas Para Producir”

O Clúster Audiovisual Galego da a coñecer a selección dos proxectos para a 13ª edición do pitching “I+P Ideas para producir”, que se celebrará os días 19 e 20 de novembro en Pontevedra.

Os dezasete finalistas foron elixidos entre un centenar de proxectos recibidos e analizados polo Comité de Selección que, nesta edición, estivo composto por Sonia Méndez, directora, guionista e actriz; Susana Maceiras, produtora executiva de Adivina Producciones, e María José Arrojo, periodista, profesora e analista de formatos televisivos. Os traballos seleccionados atópanse en distintas fases de desenvolvemento e inclúen longametraxes de ficción, documentais e series de televisión.

A sesión de pitching e as reunións one to one terán lugar o mércores 20 de novembro no Pazo da Cultura de Pontevedra. Os traballos serán presentados ante un auditorio formado por responsables de contidos de canles de televisión, produtoras e distribuidoras de primeiro nivel como RTVE, Mediaset España, Movistar+, CRTVG, Aragón TV, TV3, Grupo Euskaltel, Filmax, A Contracorriente Films, DeAPlaneta, Portocabo, Atípica Films, entre outras.


Os proxectos seleccionados para a 13ª edición do “I+P Ideas para producir” son:

  • “MARÍA CASARES. LA MUJER QUE VIVIÓ MIL VIDAS”, longametraxe documental de Agallas Films.
  • “STARMUCKS (LA PEQUEÑA VARIACIÓN)”, longametraxe de Gaitafilmes.
  • “OVEREXPOSED”, serie de ficción de Productora Faro.
  • “LOS CUENTOS DE ORI (ORI ́S TALES)”, serie de animación de Producciones Vigo e a EISV.
  • “ATLANTIC TOUCH”, serie de ficción de Congo Producciones.
  • “BALEA”, serie de ficción de Daniel Suárez.
  • “O CORPO ABERTO”, longametraxe de Ollo Vivo.
  • “JUEGO DE DAMAS”, serie de ficción de Celia González.
  • “LA INDIANA”, serie de ficción de Jorge Hernández.
  • “DENTRO DEL TRIÁNGULO”, serie de ficción de Lekanto.
  • “LAS BRUJAS DE O MATO”, longametraxe de Héctor Domínguez-Viguera.
  • “FASE TRES”, serie de ficción de Jorge Blas.
  • “LOVELESS”, longametraxe de Acheron Films.
  • “DÚAS VELLAS, SETE GATOS, TRES MÁQUINAS DE COSER”, documental de Impulso TV.
  • “O SILENCIO HERDADO”, longametraxe documental de La Selva.
  • “DESTELLO BRAVÍO”, longametraxe de Ainhoa Rodríguez.
  • LOS SUSPIROS”, longametraxe de Belle Films and TV.

Ao igual que ocorreu na edición pasada, os proxectos seleccionados gozarán de maneira gratuíta dunha suscrición Premium dun ano no mercado online de Filmarket Hub, que ofrece a plataforma como empresa colaboradora do evento, onde poderán potenciar a súa visibilidade e conectar con toda unha rede de produtores e empresas de Europa e Latinoamérica. Obtendo unha maior visibilidade e novas oportunidades de atopar socios interesados nos seus proxectos e podendo acceder a outras empresas, ademais das que participen no Pitching.

Nesta edición, o “I+P Ideas para Producir” é unha actividade subvencionada polo Ministerio de Cultura e Deporte, o Instituto Galego de Promoción Económica (Igape) e a Deputación de Pontevedra. Cofinanciada pola Xunta de Galicia, a través da Axencia Galega das Industrias Culturais (AGADIC) e, do Concello de Pontevedra. Tamén conta ca colaboración, da asociación CREA, da Pontevedra Film Commission, da plataforma Filmarket Hub, do Máster en Produción Xornalística e Audiovisual (MPXA), e con patrocinio de Galicia Calidade, Gadisa e da compañía Music Library & SFX.

O formato “ESCAPÁRATE”, producido por Tamboura para a TVG, é adquirido polo xigante Endemol para introducilo no mercado francés

O programa ‘Escapárate’, realizado pola produtora Tamboura Films para a Televisión de Galicia, responsable doutros espazos como ‘Que Casas!’, volveu da pasada edición do Mipcom de Cannes, o mercado de televisión máis importante do mundo, cun contrato de venda ao xigante Endemol. A produtora, un dos maiores grupos europeos de produción de contidos, adquiriu este formato para introducilo no mercado francés. 

‘Escapárate’, que se emite os sábados ás 20.00 h na primeira canle da TVG, propón adentrarse nas tendas de toda a vida que loitan por saír adiante. En cada unha das entregas do programa, que pretende axudar a recuperar o comercio local comezando polo que primeiro se ve, dous comercios e dous profesionais do deseño e do interiorismo compiten para ver quen consegue preparar o mellor escaparate.

Segundo o xefe de Redacción de Tamboura Films, Xaime Barreiro, en Endemol “chamoulles a atención a calidade do programa que fixemos para a TVG e puxéronse en contacto connosco 24 horas despois de visionalo”. “Ás empresas grandes dálles igual de onde sexas, o que necesitan é creatividade”. Por iso, Barreiro considera que o segredo é “intentar saír da casa”, aínda que recoñece que “ir da man da TVG xa prepara o terreo fóra”.

O francés non será o único mercado internacional ao que chegue este programa da Televisión de Galicia, que segue así a espallar os horizontes do audiovisual galego, xa que  están moi avanzadas as conversas con outras distribuidoras para vender o formato de ‘Escapárate’ noutros países.

A proxección internacional de ‘Escapárate’ súmase a outros formatos da TVG que nos últimos meses iniciaron o seu percorrido máis alá das nosas fronteiras, como é o caso do programa ‘Historias Mínimas’, tamén de Tamboura, que foi vendido á RAI italiana; de  ‘O sabor das margaridas’, a primeira serie en galego no catálogo de Netflix; da coprodución galego-portuguesa ‘Vidago Palace’, que chegou ao mercado estadounidense; da ficción ‘Dalia, a modista’, que, tras o seu paso por varias canles autonómicas, puido verse tamén en Chile; do programa de servizo público ‘Street Down’, cuxos dereitos se cederon á Radio Televisión Eslovena, e das ficcións ‘Serramoura’ e ‘O final do Camiño’, esta última presente no mercado latinoamericano.

A TVG estrea o seu novo programa "Anacos de vida" co que percorrerá Galicia nun autobús clásico na procura das historias agochadas detrás de fotos antigas

TVG estrea, ‘Anacos de vida’, que se estrea este sábado ás 19:15 h, percorrerá diferentes vilas e aldeas de Galicia na procura das historias que se agochan detrás das fotografías antigas. Os presentadores Aser Álvarez Alba Prol viaxarán ao pasado nun autobús clásico para enchelo de fotos antigas de todas as viaxes que van realizar.

En cada entrega de ‘Anacos de Vida’, de Arraianos Producións para TVG, veciños de distintas vilas realizarán unha viaxe no tempo na que terán protagonismo tres imaxes e tres historias: a foto do pasado, a foto por facer e a foto misteriosa. A través destas fotografías observarase como cambiaron os espazos, as festas, a música, a xuventude e a vida cotiá, co obxectivo de recuperar o relato dun pobo a través das mellores fotos antigas e das historias que agochan. Neste programa interactúan os maiores e os máis novos; os primeiros son os que coñecen estes relatos que non saen nin nos libros nin na televisión e os máis novos son os que buscarán as mellores fotos e historias dos seus concellos.

A protagonista do primeiro programa será Noia, vila na que se fará unha preestrea o venres 18 ás 20:30 no Coliseo Noela. A este acto estarán convidados os protagonistas dos capítulos, os centros educativos colaboradores, outros participantes do programa e todo o pobo noiés. Para coñecer todos os detalles do pase especial deste venres e contalos en directo na Televisión de Galicia, o programa ‘Fun polo Aire’ establecerá pola tarde conexións en directo con Noia.

No primeiro programa deste sábado 19 de outubro os televidentes coñecerán a historia de Pepe Barrio, un dos noieses máis respectados e queridos da vila, ou a homenaxe que a vila lle está organizando a Angelita e a Pepa, dúas mulleres que axudaron a vir ao mundo a moitos veciños e veciñas. O programa culminará coa foto por facer, a foto de familia desta homenaxe.

O Clúster Audiovisual Galego chega ao MIPCOM para promover a indutria audiovisual de Galicia

O Clúster Audiovisual Galego, xunto a varias das súas empresas asociadas como Portocabo, CRTVG, CTV, Tamboura, Ficción Producciones ou Zenit Televisión; forman parte da representación do audiovisual galego na trixésima edición do MIPCOM. O punto de encontro da delegación comercial e institucional galega é o espazo da marca Films from Galicia, promovida pola Xunta, a través do Agadic. Este espazo forma parte dun dos vinte expositores do pavillón español Audiovisual from Spain, organizado polo ICEX España Exportación e Inversións, un paraugas que engloba a unhas 50 compañías españolas.

O MIPCOM, que ten lugar na cidade de Cannes do 14 ao 17 de outubro, converteuse no mercado máis esperado do mundo audiovisual, onde reúnense máis de 13.800 profesionais da industria audiovisual para converter cada momento nunha oportunidade.

O Clúster apoia ás súas empresas asociadas a través do desenvolvemento de diversas accións para promocionar a industria audiovisual galega a nivel internacional, levando a cabo actividades de networking, o desenvolvemento dunha axenda comercial propia para a venda dos produtos audiovisuais das súas empresas asociadas ou outras accións de promoción coma os screenings.

Estas accións lévanse a cabo no marco das axudas para a execución de accións de promoción exterior conxunta das empresas galegas (Galicia Exporta Organismos Intermedios) concedidas a través do Igape (Instituto Galego de Promoción Económica) e cofinanciadas polo Fondo Europeo de Desenvolvemento Rexional, no marco do programa operativo Feder Galicia 2014-2020.

Máis de 10 canles de televisión, distribuidoras e produtoras xa confirmaron que asistirán ao "I+P Ideas para producir" 2019

O “I+P Ideas para producir” xa ten confirmada, ata o momento, a participación de máis de 10 canles de televisións, distribuidoras e produtoras de toda España en busca de novas ideas e produtos audiovisuais, neste evento que terá lugar os días 19 e 20 de novembro en Pontevedra. Organizado polo Clúster Audiovisual Galego o Pitching mantén aberto o prazo para a inscrición de proxectos ata o vindeiro 4 de outubro.

A xornada de presentación de proxectos audiovisuais e encontros one-to-one ( que se celebrará o 20 de novembro) reunirá en Galicia a directivos de grupos de televisións nacionais como directivos dos departamentos de Contidos e de Cine e Ficción de, TVE; Jorge Tuca, director de Desenvolvemento de Proxectos de Telecinco Cinema; Lara López, Compras de Dereitos Audiovisuais de Cine Español e Independente en Movistar+; Begoña Robles, entre outros. Tamén asistirán executivos de canles autonómicas como o xefe de Ficción e Cine de TV3, Oriol Sala-Patau; e directivos dos departamentos de Contidos da televisión de Galicia (TVG).

O “I+P Ideas para producir” contará ademais coa participación de Carlos Fernández, CEO de Filmax (El Autor100 MetrosTruman[REC]Sé quién eres, Pulseras Rojas), Cristian Caggiano, responsable de Vendas de DeAPlaneta (La llamadaLos hombres libres de JonesEl Club de los IncomprendidosLa Verdad), e Manuel Monzón, produtor executivo de A Contracorriente Films (RevengeLa LibreríaSpain in a DayTecho y comida).

Colaboración con Filmarket Hub

A plataforma online de proxectos cinematográficos Filmarket Hub colabora por segundo ano consecutivo co “I+P Ideas para producir” apoiando os traballos que se presenten no foro. De xeito que os proxectos de cine e de ficción para televisión participantes na 13ª edición do pitching gozarán dun ano de inscrición gratuíta no mercado online da plataforma, onde poderán potenciar a súa visibilidade e conectar con toda unha rede de produtores e empresas de Europa e Latinoamérica.

Inscricións no foro

As empresas e os profesionais do audiovisual interesados en participar nesta xornada poden inscribirse ata o día 4 de outubro. Para elo teñen que enviar o formulario que encontrarán na páxina web do Clúster (www.clusteraudiovisualgalego.com) a comunicacion@clag.es. A partir do día 30 de outubro a organización comunicará aos seus responsables os proxectos seleccionados para participar no pitching.

Neste 2019 o “I+P Ideas para Producir” conta co apoio da Xunta de Galicia, a través da Axencia Galega das Industrias Culturais (AGADIC) e o Instituto Galego de Promoción Económica (Igape), e do Concello de Pontevedra. Coa colaboración das asociacións CREA e AGAG e da plataforma Filmarket Hub, e co patrocinio de Gadisa e a compañía Music Library & SFX.